بسم الله الرحمن الرحيم
أنا عايش ومش عايش؛ عايش فى الدنيا بجسمى وعقلى, ومش عايش فيها بروحى وقلبى, نفسى اعيشها بكل كيانى, نفسي احقق فيها احلامى, لكن بعمل كل حاجه فى الدنيا ,من غير مافكر فيها لو ثانية ,حاسس انى فى الدنيا ضايع ,لأمتى هاعيش فيها وانا خايف, وبكل اللى بعمله مش عارف, ليه بصدق نفسى ساعات, وافضل امشى فى متاهات, وارمى اللوم ع الدنيا واقول, الدنيا دى ضدى على طول ,ده كلام اصلا مش معقول ,ا انا ليه فى الدنيا مجهول؟ يمكن مش عارف اعيشها ازاى, هحاول اكمل عمرى الجاى
هحاول اكسب رضا مولاى, هعلل واخد بالأسباب, وهاعمل لكل حاجه حساب ,
يارب ساعدنى اعيش مرتاح, ده انا هدفى فى الدنيا نجاح, هادعوك ياربى فى كل صباح ,
انى اكمل عمرى سعيد, بصحة تكون حديد ,وبستر يكون أكيد ,
نفسى أفيد نفسى وغيرى, وأعيش كمان على تفكيرى, حقيقى سهل انى اتمنى,
واقول ده انا داخل الجنة
, لكن صعب انى انولها ,بس لو صممت اطولها ,
بقوة وعزيمة وأرادة, هتبقى حياتى سعيدة.
أخواني سامحووني على اللهجة المصرية
بس هيا لهجتي
يا رب تنال هذه الخاطرة إعجابكو
وشكرا لجميع من سيطلع عليها